Սրբազան Քահանայապետին ուրբաթ 21 մարտի գործունէութիւնը` ''Լիպերա'' ընկերակցութեան անդամներուն հետ հանիպում։

Ուրբաթ, 21 մարտ 2014, ֆրանչիսկոս Քահանայապետը առաւօտեան ժամը 9-ին մասնակցեցաւ քառասնորդացի երկրորդ խորհրդածութեան որ տեղի ունեցաւ Վատիկանի ''Փրկչին Մայրը'' կոչուած մատրան մէջ։
ՆորինՍրբութիւնը ապա ժամը 10,30-ին, ընդունեց Մալթայի հանրապետութեան նախագահը` տիար Ժորժ Ապելա, անոր կողակիցը եւ իրենց ընկերացող շքախումբը։
Սրբազան Հայրը հուսկ յաջորդաբար ընդունեց. Կարտինալ Կերհարտ Լուտվիկ Միւլլեր` հաւատոյ ժողովին կառավարիչը, Գերապայծառ Փիեռօ Փիբբօ` Գամերունի եւ Հարաւային Կինուէի առաքելական դեսպանը եւ տիար Ժան Վանիէ` ''Րապղան'' կոչուած հասարակութեան հիմնադիրը ։
Յետմիջօրէին ժամը 17,30-ին Նորին Սրբութիւնը կ'այցելէ ս. Գրիգոր 7-րդ ժողովրդապետութիւնը, ուր հանդիպում կ'ունենայ ''Լիպերա'' կոչուած հակամաֆիական ընկերակցութեան անդամներուն հետ։
''Լիպերա'' հիմնարկութեան հիմնադիրն է հայր Լուիճի Չոթթի որ Սրբազան Քահանայապետի ներկայութեան մասին արտայայտուելով ըսաւ` ''մաֆիայի զոհերու ընտանեկան պարագաներուն համար, Ֆրանչիսկոս Պապի մեր մէջ ներկայութիւնը մեծ պարգեւ մըն է։ Ան աապ նշեց թէ հաւաքի ընթացքին մի առ մի պիտի արտասանուին մաֆիայի զոհերու անունները որպէսզի խիղճերու մէջ վառ մնայ անոնց յիշատակը''։
Սրբազան Քահանայապետի մօտիկութիւնը յոյսի նշան է բոլոր ընտանիքներուն համար – ըսաւ ապա Հայր Չոթթի։
Յայտնենք որ ֆրանչիսկոս Քահանայապետը եւս, իր նախորդներուն նման, խստիւ դատապարտած է մաֆիայի չարագործութիւնները եւ անցեալ 26 մայիս 2013-ին, հաւատացեալներէն խնդրեց` աղօթել մաֆիայի ոճրագործներու դարձին համար։